29歲香港節目主持人癌逝　生前撰文與觀眾告別

好抱歉，喺呢度要同大家講一啲好沉重慨事。當大家睇到呢一篇文章慨時候，我已經離開咗人世。

呢幾個星期以嚟，我一直努力接受自己身體上慨變化。呢段時間，我選擇咗唔對外透露自己慨病情，亦冇同任何傳媒交代，因為我未有勇氣去接受呢啲變化。

其實，早喺2024年6月22號，我就因為下半身完全癱瘓、完全郁唔到、冇任何知覺而入院。呢個情況亦令我排唔到尿，所以當時要緊急送入醫院。

自從入院以嚟，到我撰文呢一刻（2024年7月10號），已經接近三個星期。唔好講病情冇好轉，反而越嚟越差。胸口以下仍然系完全冇知覺，完全控制唔到排泄功能，需要換尿片同埋插尿喉。癌細胞已經擴散去好多唔同慨位置，例如胸、肺、多個脊椎、淋巴，甚至有啲腫瘤我可以喺外部摸到。有知覺慨地方都感覺24小時都好痛，例如肩胛骨、頸椎、頭皮。